問下自己先

今日問左自己幾個問題，如下:

1. 有咩想要？

2. 點解想要？

3. 要幾多？

4. 有同無，分別係咩？

問題一

講真，自己都算係一個幾貪心既人，問有咩想要，多到真係一時三刻都數唔晒，但係諗深一層，自己想要果d野，唔係自己冇既，就係擁有既數量唔足以滿足倒我。

問題二

呢條就簡單d，好明顯係因為我對而家既狀況唔滿足啦，同埋想要既野某程度上都可以幫到我。

問題三

唔同既野，想要既程度都唔同，好自然咁，想要既數量都唔同，自己都真係無一個標準既答案。

問題四

有d野，有總係會好過冇；有d野，有都係代表多左一樣野；有d野，如果冇既，係會有影響，但影響又唔會好大既；有d野，如果無既會影響好大。

就係咁樣，我今日又諗左一大堆野，做左一大堆野啦。

首先，我將自己想要既野寫晒出來，然後按佢地對我既影響程度順序排列，目的係想將呢一大堆野作為我既目標，順便為我想要既野進行取捨。

跟住再諗下，要達成呢一大堆目標，我要做d咩，目的係想為達成目標安排計劃，順便估計下呢堆計劃既難易程度。

然後再度下，要達成呢一大堆計劃，我可以點做，目的係想為進行計劃製定策略，順便安排下做野既先後次序。

最後，再睇一次我既目標、我既計劃、我既策略有冇咩問題啦。

發現冇咩問題之後，我就對自己講左一句，跟住個plan去嚴格執行，成唔成事都無悔啦。