問卷

第一百零一篇文章，當然要放返一張筆者愛犬既靚相啦。

筆者的愛犬已不在世上多年，但每隔一段時候，筆者總會想起它生活的一點一滴，就好像它為食的樣貌，它怕被打而身藏枱底的樣貌，還有它每次散步必然會到一棵樹小解的情況，每每都盡在筆者腦海，從不遺忘，每次想到它的離世，總是傷感百般。

頭先係交友網站做左個超九唔搭八既問卷，佢問既問題，點睇都好無謂，仲要個結果出來真係牛頭唔答馬嘴。

原先睇個問卷題目都想試下，個題目係講將來會做咩職業，但係答問題果時先發現出事，問果d又唔係同工作經驗有關，又唔係同學歷有關，更加唔係同興趣有關，連同年齡、性別、性格、身邊的人和事都毫無關係，簡直可以將呢份野當做垃圾，唔好意思，應該係垃圾都好過佢。

我答問題果時，真係有懷疑過設計呢份問卷既人，佢屋企係唔係出現左咩問題，咁想其他人關心下佢屋企，對佢屋企人作出全面而切底既問候。

做完份問卷，睇埋個結果就真係唔知講咩好，個結果話我將來會做工程師，呢個結果，唉算啦，學老婆講：「 罵臭個口呀」。

不過筆者自己都唔知點解，罵人會罵臭自己個口，呢句野都同份問卷一樣，九唔搭八，毫無邏輯，一d common sense都冇。