借口

好多時候都會用借口，去逃避一d野，好似唔想做某d野，或者唔想承擔某d後果咁，但係借口如果應用得好，係可以有好多好處既。

就好似我咁，我每一次想偷懶既時候，梗係萬千個借口去逃避，但就最終都比一個借口拉我反轉頭，呢個借口就係“如果我偷懶，咁我老婆的生活，我老婆既未來就會變成一榻糊塗”，就係咁，呢個借口一次又一次咁叫我唔好偷懶，一次又一次咁叫我咬緊牙關咁向前衝。

其實係我生活中，真係好鬼死多借口，仲要係好似唔洗經大腦咁，自動出左泥，就好似有人問我果d低能無聊既問題，有時真係諗都唔洗諗就答左，然後佢見你答得咁快，又會再問，好煩呀。

呢d人，自己又唔諗下，自己咁問，人地可以比咩答案你姐，咁聰明既我，咪比個標準答案你囉，攪唔攪笑呢，但係呢樣都未夠攪笑，最攪笑既係，答完佢問題，佢自己又係度諗堅定流架，我都同你講左啦“我句句都係堅架”，佢自己又唔信，又要係度問，最後，我又要答多n咁多次，好煩呀，總之一句講晒，你唔信句句都係堅，都要信“梗有一次係堅”呢一句，好多人中過蕉架啦。

舉個好平常但係又會成日出現既例子，一對情人拍拖時，個女仔問男仔，你愛唔愛我，個男仔梗係諗都唔洗諗就答“愛”啦，跟住個女仔再講“答得咁快，係咪真架”，然後個男仔就扮下野，係度扮諗一陣再答“愛”呀，個女仔又講“呢個問題都要諗咁耐，係咪真架”，個男仔同個女仔講“都話堅架啦”，個女仔就半信半疑咁又問過，就係咁來來回回問完又答，答完又問，個男仔開始唔耐煩啦，就講左句“你唔信咪分手囉”，講完呢句，個女仔就話“好呀”，咁呢對情人就咁分左手，真係一早都講左架啦，“梗有一次係堅架啦”，唉！

所以借口呢家野，如果係好既可以幫人，如果係唔好既，真係可以累死人架！