部落格

以前都有寫過筆者對blog既一d睇法，今日又寫多d啦。

以前寫過有人會當blog係屋企，會當blog係酒店，會當blog係賓館，但就冇寫過blog既用途。

現時blog既用途真係好多，例如：寫自己所發生既事，又可以係blog度賣廣告，甚至用blog來傳情達意，總之blog係一個途徑，比人將一d信息放在一個平台，比一d有緣人去睇啦。

但係近排發現左一d野，原來blog某程度上，都可以反影blog主既活躍程度。

好簡單一個問題，問下就知架啦：「睇下自己個blog，就會發現自己的生活是點樣架」。

有人寫自己發生既事，呢個人就多左人生經歷。

有人用自己個blog賣廣告，呢個人就多左營商經驗。

有人用自己個blog傳情達意，呢個人就多左戀愛經驗。

你地睇到呢度，梗會話，有人既活動率就係高到連打blog都冇時間，(講得好，我老婆就係呢類)，跟住又會話，有人唔打blog係唔想比人知佢做過咩，(講得好，我家姐就係呢類)，最後又會講，有人唔打blog係佢地唔識字或者唔識用電腦，(講得好，我阿婆就係呢類)。

咁我又問下你地啦，除左呢三類之外，仲有冇其他人呀？

諗唔到，筆者答你啦，就係成日都好似冇咩事發生過既人呀？

呢類人，活動率係低到日日如是，日日都好似冇事咁，佢地好似冇野發生過，但係又一日又一日咁過，唔會有人同佢地傾計，唔會有事忙，最多都係而家科技發達，多左部電腦陪佢地打發時間。

自己個blog冇野打，係一個嚴重警號，記住發現警號，必須正視，諗方法解決，方為上策呀。