戲裡面有幾句講過幾次既對白都幾好，例如，「可唔可以每晚十二點正都諗下我，就係咁簡單，好呀，應承你」，「我楂住咩牌，你信唔信呀」等等。
不過我最有感覺既唔係呢兩句，返而係何超儀講劉青雲果一句唔起眼既說話，「卓一(劉青雲角色)係古惑仔出身，佢次次都楂d爛牌，但佢今日有咁既成就，絶對唔野少」。
其實呢句說話筆者就覺得唔錯啦，佢講出左一個人不論出身名門，或者是一介草民，只要肯努力，專心一致做事，總有出頭的一天，個天係公平既，只要肯付出，總有一天會有收獲。
講返十二點果句，呢句都係唔錯既一句，可能有時自己做人做得複雜左，睇好多野都會左諗右諗，其實根本就好簡單，就好似拍拖咁，有咩為者，為既都係想人地每日諗一諗你，講下你，陪下你者，又洗咩諗到咁複雜喎，咪應承佢囉，就係咁簡單之麻。
講完十二點，講埋你信唔信果句，講真係筆者既立場，你講咩我都唔會信，我只會估計之後既發展對我會幾有利，但係人際關係好多時都係講個信字，有信先有得講，唔信講都費事講啦，雖然係咁，但係筆者份人就係鐘意聽，頂多聽完再諗，信唔信呀，睇心情啦。
呢套戲，雖然有好多觀眾都笑到哈哈聲，仲係好多次添，但筆者就全場都無笑過，可能人大左，連笑都忘記左，連笑都唔識lu，唉！
總之就好似古天樂咁，有笑容就有幸運啦！
沒有留言:
發佈留言