風水算命

以前有睇過幾集收費電視既節目，內容係講風水算命，主持當然係一個著名既風水師啦。

佢係節目中講過一樣野，佢話人有三衰六旺，由衰轉旺前必然要經過一段混亂期。

以前本人都試過幾次算命，但不約而同都話我三十歲係事業既開始，假若，著名風水師冇講錯，以及那些替我算命既人冇算錯，仲欠年多便到三十既我，而家應該己進入了混亂期。

既然知道而家係混亂期，聰明既我，第一時間就梗係趁亂打劫啦。

第一，我要係三十歲前，將我和老婆的地位完全反轉，我會將話事權完全比晒佢，一來等我係混亂既時候減少出錯機會，二來又可滿足老婆對我既支配慾，一舉兩得，雙贏。

第二，係混亂時期盡量保持平穏既表現，以求穏中求勝，穏健不忘進取，努力進修考試為事業開始打底，一來可以為屋企保持業績，二來本人可以找尋發展機會，一舉兩得，雙贏。

第三，保持同身周朋友既關係，以求在混亂中減少朋友既流失率，為日後事業既僱客範圍開蘿張網，一來我可以擴大社交網，二來朋友又可以係我身邊得到快樂，一舉兩得，雙贏。

最後，要係混亂期既時候，將自己既幸福與別人分享，因本人發現原來身邊既人幸福，自己都唔會相差好遠，就好似我老婆覺得幸福，我都唔會比佢少一樣。

仲有一樣野，就係有條友6月13號生日，不如我地估下佢自己記唔記得先。