廁所

有人講，要睇一個國家文唔文明，最好第一時間去睇下佢地既廁所，如果國民就連去廁所都保持衛生，佢地既文明就至起碼都有基本既水平。

係香港，公廁呢家野，一般都會分為男廁、女廁同殘廁，基本上係唔收錢既，但有d商場內既廁所，就會要求你有鎖匙先可以用，而有d商舖，就要你係佢地既客人，先會借廁所比你，我去旅行既時候，發現有廁所仲係要收錢既，咪係咁，就攪到呢d人通街攪掂，d地方咪污糟晒囉。

而我今日就同老婆去左一間廁所，一入到去，發現d人都唔係因為急而去既，仲要入到去有人招呼添，仲有發現到d人去廁所，又唔洗除褲，又唔洗拉拉鏈，呢個廁所，係唔係好怪先？

初頭，仲以為有廁所男女一齊去，咁作為一個已成年既我，一定會有野諗到，但係原來呢個廁所係一間餐廳來架，d人入去就梗唔除褲啦，入到去就梗係有侍應招呼你啦，哈哈。

呢間野，主要係台式餐廳，但係都有西式既餸菜，都係唔講咁多啦，自己睇相啦。