專注

好耐都無寫過有關投資既野，今日再寫，但係諗兩諗，又唔知寫咩好，唉！

近排睇恒生指數，有d好似變左陌生人咁，筆者並唔係好耐無睇，筆者仍然都係日日睇、時時睇、分分睇、但係己經唔係秒秒睇lu。

經濟政治新聞，筆者仍然係日日更新，但保持左多年做功課既習慣，就變得無咁認真，甚麼經濟數據、甚麼公司數據，己經無以前記錄得咁有條理。

今日從新由頭到尾再睇一次，感慨良多，當中真係唔知包含左幾多辛酸、幾多努力。

筆者聽過好多偉人既故事，發現有一個筆者覺得好有趣既共通點，呢個共通點並唔係您地平時聽既，偉人有幾咁聰明，偉人有幾咁勤力，筆者發現既係偉人，佢地一生人大多都係專注做一樣野。

就好似愛廸生，一世人都只係專心科硏，莫札特，一生人都只愛玩音樂，講真筆者完全無諗過話做咩偉人(其實本人有諗過自己係魔鬼)，筆者都只係想專注做一樣野，而呢樣野當然係投資啦。

但係世事無常，要專心做一樣野，唔係講下就得，講下咁易，真係要天時、地利、人和，三樣野一齊配合，少一樣野都唔得。

好啦，有d眼訓，今日打住咁多先啦，早抖啦。