戲中有股

近排，比較得閒，所以多左時間陪老婆睇下戲，一係唔睇，一睇就睇幾套，包括“極速緋聞”、“大犯罪家”同“竊聽風雲”。

“極速緋聞”，有溫馨攪笑的戲味；“大犯罪家”，有鬥智寫實的戲味；“竊聽風雲”，有演技角力的戲味，呢幾套戲可以講話各有各精彩，各有特色。

記得好多年前都會經常睇戲，而家就睇少左好多啦，不過有d戲中對白，仍然記憶猶新，就好似“極速”有一句話：「要人車合一，要人惡過車」，又好似“風雲”中有一句話：「凡事太盡，緣份誓必早盡」，又好似古惑仔中有一句話：「夠礓、夠雷、夠疊馬」，己經有好多年無睇過，但係感覺仍然存在。

唔好講笑，有時電影既影響力都可以幾大架，就好似我咁，我將以上果三句對白，應用係我既生活上面，效果都幾ok啦。

「要人股合一，要人惡過股」

我經常留意股票市場的情況，做到升市我笑，跌市我開心，我睇好既股票就買，唔合心水既股票我就賣。

「食價太盡，緣份誓必早盡」

預算股價必留3-5個價位走盞，好多時都留一分再續未了情。

「買賣要夠礓、夠雷、夠疊馬」

出手夠礓，對心水愛股夠雷，股票戶口長期保持夠疊馬。

人地話戲如人生，我就話戲如股海先至真，哈哈。