運氣

有無聽過以下既說話呀？

1. 你真係好彩，有個咁好既女朋友。

2. 佢真係好運，可以有咁多錢。

如果你有聽過，一d都唔出奇，但係若果你成日講既話，就真係有d那過啦。

講真，我覺得自己由出世到而家都係無運行既，正一天生既地獄黑仔皇，但係點解我會咁諗，係因為我覺得人天生出來唔係靠運氣生存，而係要努力生存。

舉一個係香港好經典既例子“中六合彩頭奬”。

你試下問十個人，我估有九個半人都會答你，中六合彩頭奬一定係超級好運，正頭行運行到落腳指尾，但係如果你問我，我就會答你，中六合彩頭奬，全憑呢個人肯付出，肯努力既結果。

咁點解我咁講呢，原因好簡單，就係要中六合彩，你必須付出最少$5既代價，然後要到馬會買六合彩票，仲要用適當既方法去check開彩結果，最後仲要係規定既時間登記領奬。

你話啦，中六合彩頭奬係唔係一個既要付出代價，又要肯努力既行動先，唔通你會講話果個人，可以坐係屋企，咩都唔做，佢會有六合彩頭奬呀。

講到呢度，你實會想串我，大把人肯付出，但係就無收獲喎，我一早就預左你會玩野架啦，放心，你串得起，我受得落。

我會同你講，肯努力，但係無收獲，係果個人用錯方法，用錯時間。

就好似牛咁，佢好勤力，但係無收獲，點解呢？原因好簡單，佢可以用係耕田既氣力，用係尋找草原，佢就可以好勤力咁有收獲啦。

所以你如果成日都話人地點樣有運，點樣好彩，不如勤力d，用腦諗下，點樣先有收獲好過啦。

成日剩係識得坐係屋企，睇到人地有幾咁好彩，有幾咁好運，你話幾咁可惜，幾咁可悲呢？不如試下努力d，不如試下肯付出，去搵你地口中既好彩，好運啦。