豬流感

今次豬流感令我回想起早幾年既香港經濟環境，因為佢地都有相似既地方。

當時香港由1998年初，經濟一路轉壞,直至2003年，爆發沙士，經濟環境進一步向壞。

現時香港由2008年尾，金融海嘯爆發，經濟一路轉壞，直至昨晚，爆發豬流感，經濟有可能進一步向壞。

但(唔知有有記錯)，由沙士爆發至完結，好似冇三個月，對股市既影響就更短。

基於現時各國聯合通報機制進一步完善，政府行動比以前快捷迅速，醫藥技術大幅提升，市民對流感認識有所增加，所以我睇今次股市係會藉口借勢調整，但係唔會好耐。

其實每次股市有所調整，我都視佢為入市投資既良好機會，正所謂低買高賣，先會有所收穫，只要你找尋到一d股票，現時係比人過份睇淡既，當市場轉趨理性，呢d股票一定會比別人走得更快，走得更高。

就好似一d保險類公司咁，好多人都以為佢地會因賠償增加而影響到盈利，但實情係，保險經紀現在會同你講，“你睇下而家d病毒，會隨時爆發，應該買多份保險，增加多d保障”，就係咁，係佢地積極既推介下，你又買多左一份，甚至幾份保單，最終保險公司係此消彼長既情況下，保費收入不跌反升。

再舉一個例子，想當年，香港衛生署既署長陳太，就是因為有處理沙士既經驗，因而進身世衛既高層位置。

有危便會有機，只要懂得轉危為機，成功既日子，係不會離你太遠既，努力啦！