分享

今日本人的老婆叫我學懂同別人分享，所以我就打起呢篇文章啦。

睇完免費報章，裏面有一個專欄，講起一個要不斷提醒自己既道理，“就係反應要快，行動要迅速、自我學習、自我修復、自我完善”，節錄自黃毅力，力筆從心，都市日報，2009年4月22日。

今時今日，真係慢d都唔得，慢少少，結果只會輸比別人，就好似近日溫總理一句“不進則退”，不進，其實背後係包括原地踏步，則退，奇實係包括了某程度上的失去，其實今時今日，不單只係講進與退，仲要講進的深度，進的闊度，進的速度，退亦一樣，所以本人覺得溫總理只講“不進則退”，已經口下留情了，本人真係要好好反省反省。

自我學習呢個動作，本人覺得都幾需要先天既天賦，後天既努力，當時既環境配合，而當中最重要既係後天既努力。呢個動作既目的係先要裝備自己，作好準備，有能力去創造機會，最終達至成功既地步。

自我修復呢個動作，比起自我學習更難，先要了解自己，再進行檢討，但係呢個動作周而復始咁做，係可以令自己不斷咁向高位進發。

最後自我完善，就係將檢討得來既結果，若發現有不足之處，就作出不斷改善既行為。

以上o個三個自我，係一個循環，係一個進步既過程，要長期不斷咁做，不斷咁改善，先可以有效果既，所以我講係一個要不斷提醒自己既道理。

雖然有時本人既狀態都有起有伏，但都會本著學海無涯既心態，不斷向上，就好似而家咁，我又係度計劃自己既事業同學業，更上一層樓，更進一步。

下次既題目係IQ、EQ、AQ。