情誰來定錯對

用情去將其他人去分類，大致都係親情，友情，愛情，同無情。

親情既代表會係親人，友情既代表會係朋友，愛情既代表會係情人，無情既代表會係咩呢？

唉！講完四種情，四種人之後，想講咩呢？

情對，情錯，情初，情完，情情情情，

講心情，講feel，講咩q都好啦。

平時打blog，好多時打咩，寫咩都可以長篇大論，

但係一講到情呢家野，原來係我個腦入面，同空白既畫面完全一樣，

呢個情況反影左d咩呢？我應該點處理呢？我應該做d咩呢？

真係要好好咁諗下先得。

算啦，收筆，早抖，拜拜。

結婚兩面睇

行入教堂，拉埋天窗，可能係好多女仔心目中，呢個會係佢地人生既其中一個目標，甚至乎係最重要既人生目標，但佢地有冇諗過，點解要達成呢個目標呢？

結婚究竟係d咩既一回事呢？結左婚又代表d咩呢？

結婚會得到d咩呢？達成左呢個目標之後，咁佢地既人生又會點呢？

掉番轉來睇。

冇結婚又點呢？冇結婚又代表d咩呢？

結婚會失去d咩呢？未結婚之前，咁佢地既人生又會點呢？

所以話結婚呢下野，有時真係要想清想楚先好做。

結婚係有理性既分析，亦有感性既考慮。

我相信冇話絶對正確，或者絶對錯誤既決定。

但我同時相信只要有信心，正確既可以持續，錯誤既可以改善。

最後都係果句，結婚係落地獄，結婚係上天堂，觀點與角度者。

功能

頭先睇完一大堆電影短片，好多都係有關社民連議員既，我係呢度想講既，並唔係每一個議題，或者佢地所用既用詞，佢地所用既表達方式，我想講既，係佢地既精神，係佢地既功能。

社民連，係每個香港市民心目中，佢地可能比較激進，但佢地又真係發揮左，立法會議員既其中一個功能，監察政府既施政立法，其實，呢個功能好緊要架，就好似領匯事件、包機事件等等，佢地就講左部份市民既心聲，或者指出政府施政既不善。

社民連，第二個發揮到既功能，係提高左香港市民對政治環境既關注度，呢樣野又係好緊要架，因為呢個係香港實行雙普選既其中一個基礎，我地係要有理性分析，又要理性討論，亦要感性觀點，所以政治關注度、政治知識、政治智慧，係缺一不可。

社民連，第三個發揮到既功能，係令香港增多一個溝通既渠道，發表意見既平台，呢樣野又係好緊要既，發表意見，係基本法所容許既權利，如果多一個平台，咁市民就可以向政府表達意見。

所以一個政黨既成立，一個議員既當選，係一件好緊要既重大事件，係值得市民關注，係值得市民去監察既。

但有時，市民發表既意見，政府有冇聽係一件事，聽唔聽得明係一件事，聽完會唔會做又係一件事，所以對而家果d官員，成日話聽市民既意見，叫市民發表意見，作為香港人，又真係要留心仔細咁去睇真d，認真咁發表一d對香港有利既意見。

今時今日既政府，講真，以事論事，有做得好既，亦有做得唔好既，好同唔好既，本人覺得亦可以令有關既政策，或者有關法例更加完善，更加追貼時勢既。

最後，祝願香港明天會更好，個個香港人都身體健康，生活愉快。

界定

當一個國家，連續兩季經濟出現負增長，我地就會講呢個國家，經濟已經陷入衰退。

咁假如一個人，己經連續兩季，冇出過屋企門口，咁我地可唔可以話佢係“隠閉青年”呢？

當然，經濟陷入衰退係有其他特定既條件既，所以我地亦要為“隠閉青年”加入一d豁免先得。

第一，呢個人係因為出街食飯，應該唔計數。

第二，只係同屋企人出街，應該唔計數。

第三，只係出街睇醫生，或買日用品，都係唔計數。

因以上果三種情況，都冇一般既社交，聯誼既成份係裡面。

有d人會講，呢一類“隠閉青年”，佢地會係屋企上網，打online game，msn，或者facebook，同人溝通，講真，係呢d模擬世界裡面，有幾多真正溝通既成份，有幾多可以激發人活動既成份，所以，係我既界定裡面，第四樣要豁免既，就係係屋企用電腦。

我講咁多界定“隠閉青年”既事，並唔係要歧視呢類人，係想提醒佢地要小心，同埋話比佢地聽，呢個社會冇放棄過佢地，佢地大可以重新掁作，重新投入社會，再次為自己既人生加入色彩。

如需幫助，可登入以下網址：

社會福利署
http://www.swd.gov.hk/tc/index/

無國界義工
http://www.volunteer.org.hk/

青少年中心
http://www.hkpa.hk/services/centre/centre.htm

勞工處
http://www.labour.gov.hk/front.htm

新年快樂

今日係牛年第一日，再同大家拜年先，牛年進步，財源滾滾。

今日同老婆，行左兩個花市，一個係太子，另一個係元朗。

兩個花市的情況大致相同，都係賣玩意或者應節物品，多過賣花。

但係我行緊既時候，見到既情況，兩個花市就有分別啦。

我係太子見到d人買野食多過買應節玩意，但元朗就買玩意多過買野食。

而買花既人數大致都一樣。

仲有一樣野我都覺得幾特別既，就係見到太子符近既舖頭，開市一般都係初五至初七，但係元朗就一般都係初八至初十。

雖然唔係官方既統計數字，或者可能係我眼花錯覺，但我覺得呢d咁細微既分別，都應該要留意到，或者應該要寫低，等我將來開舖做老闆既時候，用來參考下都好。

今日除左行花市之外，我仲同老婆去左睇戲，睇游龍戲鳯，套戲大致上係ok既，點解我咁講，係因為我睇戲果時，其他觀眾既反應，笑既時候笑得好大聲，哭既時候又哭得好大聲，完左場，聽到d人對套戲既反應，大致都話幾好睇，所以我都覺得自己冇揀錯戲，好彩。

套戲講左兩樣比較易睇到既信息，第一樣係講“幸福係要自己爭取既”，第二樣講既係“婚姻協議書”。

我就覺得幸福唔單只係可以自己爭取，仲可以係自己創造既，因為我覺得每一個人必定要努力，先會有幸福，所以我就有呢個睇法。

而婚姻協議書，講真，某程度上講，我係讚成既，而原因我就唔係呢度講啦，因為我同我老婆講左，而佢亦機本上讚成我個原因，哈哈，又靠把口，得米。

拜年

仲有三日就係牛年啦，大家有咩賀年活動，或者有咩新年計劃呀？

我係呢度同大家拜過早年先，恭喜發財，橫財就手，年年有餘呀。

財運方面，對一個鐘意股票既人來講，牛既意義係好緊要既一樣野，所以今年我一定會行下花市，買返一隻牛擺係屋企，意味著牛市又再返來，股市節節上升先。

至於桃花運，身為有婦之夫，異性運，哈哈，最緊要就係要多d貴人，步步高陞啦，仲有今日睇電視，話西北位擺個靚金錢，咁就旺人緣，想今年發下桃花運，識做啦。

最後，都係祝大家身體健康，因冇健康既身體講咩都冇用呀。

行為與睇法

今日聽到一個人講左一大堆野，佢講左d咩，係呢度唔係咁方便係度同大家講，但有一句話，我都幾想同大家分享下既，呢句說話就係“人既行為，係會反影佢內心的睇法既”。

先唔好講咁遠，就講下我自己個blog，睇一睇，原來我個blog有大部份都係講股票，另外仲有一d時事政治既事，仲有就梗係我老婆啦。

因為我個心，成日都諗住股票，所以我打blog，好多時都係打股票，仲有我間鐘見到d時事新聞，有感而發，就會將我既睇法，又打係個blog度，當然，我不時都會記得，我打blog其中一個目的，就係同我老婆傾下計啦。

就係我有以上既諗法，形成左我個blog咁多篇文章，所以係某程度來講，我係同意行為會反影人既內心，但有時，個人行為又會未必同內心睇法，互相一致架播。

我都有試過諗一做二既時候，明明唔係咁諗，但又做左出來，舉個例子，有時我明明知道對我老婆妥協，係一件好笨既事，但我行為上又會對佢作出妥協既行為，所以我都話某程度認同“行為反影內心睇法”呢句說話。

而家回顧下自己既行為，上年又真係過得幾充實，講過既野大多數都做左，而計劃左既，又如期咁進行緊，總算叫過得去啦，定期對自己既檢討，仍然係維持係樂觀審慎既評級，建議仍然係持有。

咁你地又會點睇自己上年既行為呢？又會對自己做一個咩評級呢？

新總統

今日各大報章的頭版，幾乎清一式都係一單新聞，而作為一個緊貼市場既香港人，本人在此，恭喜美國的新總統已經正式就職。

美國的領導人，在香港看來，看似遙遠，但其實係似遠還近。

好多人都知，美國的一舉手，一投足，都足以影響全球的經濟及政治環境，所以各大報章以美國總統就職為題都實不為過，但大家有冇為意，特首都係呢個時候，更換左行政會議成員呀？

呢個時候，特首公佈呢個消息，係唔係想講，佢已經為佢的專心政策(一個時段，做一件事)作準備，己經為行政會議選定(一個)應付金融海嘯既方向。

美國總統就職係大新聞，而正正就係呢個時候，行政會議換人，好明顯係一個悉心安排啦，不過點都好啦，我並唔係最關心邊個係行會成員，而最關心係佢地有咩能力，有咩政策可以令香港好，可以令香港發熱發亮。

睇到美國過去的總統進場，睇到美國新總統就職，睇到美國舊總統離職，一幕幕美國人民的畫面，一聲聲美國人民的歡呼，果種團結，果種震撼，真係好壯觀。

返來香港，假如，將來全部香港人一齊選特首，會唔會有呢d畫面呢？過去特首進場，香港市民會比咩反應呢？新特首就職，香港人會抱著咩心情呢？舊特首離職，香港人又會用咩態度呢？

絶配

絶配呢家野，真係唔係咁易就有架，要天時、地利、人和，樣樣都夾先能夠稱得上絶配。

就好似我同我老婆咁，呢一對絶對係令人頭痛既配合。

一個肥既，另一個就廋。

一個鐘意罵人，另一個比人罵就冇反應。

一個煩既，另一個就講多無謂。

一個執著，另一個就冇所謂。

一個心急，另一個就懶懶閒。

一個咩都要理，另一個咩都唔理。

就係咁，我發現同佢一齊，有時都幾頭痛。

但係有時我都覺得，同佢一齊，又可以稱得上絶配。

因為好多時，做人好，做事好，都唔應該只係向一個方向，向一個極端咁走，係應該取其平衡就得啦，太過極端，反而會出事。

所以計我話，絶唔絶配唔係咁重要，最重要係大家生活得開心，生活得舒服咪得囉。

飛禽走獸

係呢個現實世界裡面，有好多動物，就好似蛇貓狗咁，但原來係呢個股票世界裡面，都有好多動物，不斷咁走來走去，唔知你地又有冇為意呢？

比較活躍既動物，相信都會係牛同熊啦，每當個股市升到飛起既時候，隻牛就會走來走去，而當個股市跌到唔清唔楚既時候，隻熊就會撲來撲去。

除左牛同熊之外，係呢個股票世界裡面，仲有一隻大笨象，呢隻大笨象係一隻識得印銀紙既動物，所以有好多人都好鐘意佢，但係佢呢排就頭痛d啦。

講得大笨象，又點會少得一堆大鱷呀，呢堆大鱷神出鬼没，冇人知佢地幾時會來，又冇人會知佢地幾時會走，總之一出來就會有犠牲品啦。

而大鱷既點心，佢地又會專揀一d羊去食，果d羊呀，好多時都因為知識唔夠，或者資金唔夠，無啦啦又話唔見一筆。

仲有呀，每當個股市唔係幾好果陣時，又會出現一大堆大閘蟹，千祈唔好以為蟹就可以打橫行，佢地就係因為比人綁手綁腳，所以要坐係架度身訂做既大潛艇度休息下。

而近排仲有兩隻比較活躍既動物，一隻係黑天鵝，而另一隻係猴子。

黑天鵝既出現，令到好多以為自己咩都知既人，大跌眼鏡，因為個個都以為呢個世界上，剩係得白天鵝，點知，哈哈，一隻黑天鵝，就攪到d人大失方串。

猴子點解會出現呢？就係因為呢個股市，係一個區間裡面上上落落，成隻猴子咁跳來跳去，所以就係咁啦。

好啦，而家已經係2009年啦，不如我地一齊睇下邊種動物會活躍d啦，ok？

大型罰

由於自己早排犯左一個大錯，所以罰左自己停賽一個禮拜，諗多兩諗，都係唔得，因為呢次犯錯既原因，係一時大意，犯左一d自己根本唔應該犯既錯，所以罰多些少，但諗諗下，又唔知罰咩好，最後，我揀左罰自己公開認錯，仲有就係打一次經濟書的目錄。

(國民收入模式)、(消費和投資)、(貨幣與銀行)、(貨幣供應和需求)、(投資儲蓄 - 貨幣供應和需求)、(失業)、(失業與尋求理論)、(通貨膨漲或緊縮的預期)。

記住，2009年1月7號，呢個永不忘記既日子，錯完，係時候起翻身，再來過。

香港公園

現時的經濟環境，我都唔洗點講，係一個好明顯既情況，咁係呢個情況之下，大家又有冇計劃去下旅行呢？

講真，我自己暫時就冇計劃出國啦，我會選擇留係香港，支持返本地經濟，咁支持經濟都要去消費架，去邊呢，我有一個好介紹，呢個地方就係香港公園。

作為一個負責任既香港人，就梗係唔單止上網，睇完資料，然後係度大吹一輪，交行貨咁簡單啦，我係今日同我老婆實地玩完之後，先推介比你地既。

呢個香港公園位於中環區，即係香港既金融核心地區，剩係聽到個地區都知價值不菲啦，但你唔洗驚佢收得好貴，入場費好簡單，HK$0，即係咩呀，免費囉。

唔好以為免費就冇野睇，冇野玩喎，佢裡面有好多設施架，好似霍士傑溫室、尤德觀鳥園、體育館、香港壁球中心、兒童遊樂場、奧林匹克廣場、鳥瞰角同菜館，真係講得上，你想食就食，你想玩就玩，你想睇就睇，直情樂而忘返呀。

你係公園裡面行行下，望向地下，你可以望到河水流；你又係公園裡面行下，望向天空，你又可以望到雀仔飛；行到累啦，你又可以企定定，睇下香港各個運動健將既威水史；再唔係既，你想休息下，咁咪去買D野食，同老婆談下情囉。

仲有一樣野，如果你係一個潮人既話，就梗加要去睇下啦，因為係體育館裡面，有好多介紹東亞運動會既收藏展品同運動項目介紹，既然香港可以攪到呢d咁大型既活動，作為熱愛香港最潮既你，又點可以唔幫香港推動下呢個潮流呢。

總之一句講晒，企係潮流尖端既你，咁平、靚、正既活動，一定要支持下，都係果句啦，香港公園，真係符合晒我既要求呀！

愛的密碼

早排，有一首歌都好鬼死hit，歌名係“風裡密碼”，其實我真係唔知，風有咩密碼，我估可能而家科技發達，風裏面收埋左唔同既數據、程式，或者符號之如此類啦。

但你有冇為意，其實每個愛情故事，都會有佢自己既愛情密碼架。

就好似一個個畫面，一句句對話咁，有時將呢d野從新排列，或者刻意組合，都幾得意架。

拿我就試過將我老婆d金句從新組合，然後同佢再講一次，佢笑到唔清唔楚。

我老婆金句有好多，“我唔理你，都唔會有人理你架啦”，“我唔同果個人講野，果個人好極有限”，“總之要乖呀，如果唔係就唔錫架啦”，“放上網都冇人bid你呀”，之如此類啦。

從組下啦，“我唔同果個人講野，果個人好極有限，放上網都冇人bid呀，我唔理你，都唔會有人理你架啦，總之要乖呀，如果唔係就唔錫架啦”，你地話啦，係咪好得意先。

都係果句啦，真係要小心女人呀，千析唔好，“唔好理佢”呀。

投資講座

今日天寒地凍，一早出街，就係為左出席投資講座，講真，我都好耐冇出席投資講座啦，今日出席，又有另一番睇會。

記得以前，股市暢旺時，投資講座又真係坐無虛席，但今日果個投資講座，大約都有三百幾人左右啦，大概九成幾入座率左右，反應都算唔錯。

聽見d人問果d問題，都真係覺得佢地都幾pro架，有人問“價值投資法好，定技術分析好”？有人問“點樣去用相反理論”？又有人問“個市幾時見底”，林林種種，真係唔記得咁多。

剩係聽到呢d問題呀，就知道香港人，係唔單指“感性討論蓋過理性分析”啦。

其實係呢個投資市場，係有好多香港人願意自己做功課，自己去硏究點樣投資，唔識佢地係會問既，奈何有時投資產品，越來越多，越出又越複雜，又真係未必個個會睇得明，個個都有能力硏究。

講返轉頭，價值投資法好，定係技術分析好？點講呀，講是但一樣都會比人話啦，咁咪答唔同方法有唔同既效果囉。相反理論，邊個知道幾時會相反呀，咁咪答唔係咁易用囉。個市幾時見底，講真，知就發左啦，咁咪答而家經濟環境咁，低位好難講，每日都係升升跌跌，有波幅囉。

不過，我都諗到一個有趣既問題，假如通街都係股神，咁係唔係股神又有咩分別呢？

一字兩面睇

唔記得自己幾時聽過“要嬴人，先要嬴自己”，亦都唔記得係邊個講lu。

又唔記自己幾時聽過“不求與人相比，只求超越自己”，亦都唔記得係邊個講lu。

但係嬴人呢家野，又係唔係自己既目標呢？就算係自己既目標，咁又要嬴邊個呢？就算知道要嬴邊個，嬴左佢又點呢？

到嬴自己啦，點樣先叫嬴左自己呢？用咩去量度嬴左呢？嬴自己又係為咩呢？

嬴，係一個結果；有結果，就即係會有過程；有過程，又會牽涉做決定；做決定，必先要有選擇；有選擇，又點會少得左資料搜集呀。

講下講下，發現原來一個贏字，都可以咁哲學，都可以引申到千百個問號。

贏除左係一個結果之外，佢本身係一個形容詞，以我現時所知，有好多形容詞都會有兩面既。

就好似贏咁，有贏就必然會有輸，有肥就必然會有廋，好少只係得單一方向。

我就覺得，形容詞同做人，都有幾分相似，好多時都唔係得單一方向既，係可以有好多個可能既，當一個人黑到貼地既時候，我相信係會轉旺既；相反，當一個人旺到飛起既時候，我相信係會轉黑既。

所以，當自己黑過墨豆既時候，要相信自己總會有天明既一日；相反，當自己一凡風順既時候，就更加要萬事小心啦。

失敗中找勇氣

人生有起有跌，起時，好多人都會得意忘形，跌時，好多人都會一跌不起。

起時，有幾多人可以繼續小心行事？跌時，又有幾多人會勇於面對呢？

我今天每一分，每一毫都係得來不易，當中所付出既，我自己都唔知點樣形容，所以我好珍惜，今天我所擁有既一切，包括我既財產，我既家人等等。

我記得當年讀書考試，好多人都會選擇，留係屋企，一個溫暖既地方溫習，但係我就選擇左係天寒地凍既大街中溫習；有好多人係冇錢既時候，會選擇問屋企拿，但係我就選擇左半工讀既形式，搵學費同生活費。

就係咁既情況，我覺得自己並唔係一帆風順，我都有起同跌既時候，我起既時候，我會珍惜，保持清醒；我跌既時候，我會大膽認錯，盡量找尋解決辦法，務求盡快扒翻起身。

自己犯得最大既錯誤，就係犯左一d，自己根本唔應該犯既錯，好在係犯錯既時候，身邊有人不斷咁同你講“唔緊要啦，錯左咪再諗計囉”，“錯左，一定要係裏面學到一d野，避免再錯”，就係咁樣，我又再起翻身，再來過，再向人生另一個高位衝。

不過講返轉頭呀，跌倒，又真係會好痛既，你話冇事呀，就呃你啦。

工具

係呢個證券市場入面，有好多種投資既工具，例如：股票、債券、窩輪、外匯、期貨、基金、商品、黃金，或者牛熊證等等，每一種工具，都有佢地自己既特性，都有佢地既升跌規律，真係唔係咁易去明白佢地背後既玩法。

初玩既，應該玩一d相對易玩既工具，好似外匯或者債券咁，有左經驗啦，就可以玩下股票或者基金，如果係專業既，先好玩窩輪或者牛熊證等等。

點解咁講呢？係因為佢地所涉及既風險程度唔同，佢地所涉及既範圍唔同，就因為呢d分別，而影響左玩佢地既難度啦。

想測試下自己有幾堅，可以係屋企，自設一個投資組合，但唔洗真係買架，跟住係一定既時間之後，睇下呢個自設既投資組合，佢既回報有幾高，再比對下同恒指既升跌幅度，咁就大概可以知道係呢段時間，自己既眼光有幾準。

最後都係奉勸一句，唔識就要問，最多就唔玩，千祈唔好扮醒，總之就係中蕉就無謂啦，唉！

距離

原來不斷向前，不斷向上都會有一個反效果，就係會做出一段一段的距離，而呢d距離，又會做成好多冷漠，好多幅牆。

當你自己不斷咁向前走，而身邊的人，又唔同你一齊走，咁樣距離就會出現。

有時，唔係唔想帶住佢走，可能會係心魔作怪，有好多難關要克服，本來以為可以憑實力托起佢，但佢又唔信你有咁既實力，可能又會認為你實在走得太快，未必跟得上，信心問題，可以解決，但最難解決既唔係咁樣，最難解決既，係佢想唔想同你走。

唔打啦，打到頭都痛，口頭禪“唔好理佢”。

危機當旺的時候

有冇諗過自己幾時先會當旺呀？

我原先都冇諗過呢個問題，但係睇完我的2008電視節目之後就有啦。

一運二命三風水，呢句野就真係信不信由你。

首先一運，我自知自己冇運，但雷曼時件，我又安然渡過。

再講二命，我自知自己唔好命水，但金融海嘯，又沖我唔走。

最後三風水，我自己都冇擺風水陣，但股市下跌，又跌我唔死。

但正正就係呢個咁既經濟環境，我就知道自己係2009年，會當旺，會行運。

點解我咁講呢？原因好簡單，其實係來自我個名既。

2008年9月中，金融海嘯正式爆發，d人成日都提起我，佢地成日都講有危機呀。

佢地開口埋口都話要管理風險，面對危機，所以我覺得自己會係2009年當旺，行正大運。

而係行大運既時候，我一定會再重新捕處新一輪計劃，將我既大運發揮得淋漓盡致，再向人生既另一個高點進發。

愛情

究竟愛情係d人眼中會係一樣咩野既東西呢？

究竟會係用愛來陪養感情？究竟係做愛來發展感情？

究竟係有愛冇情？究竟係冇愛有情？

究竟係有愛先？定係有情先？

好多個問號，好多個有雞先定有蛋先既問題。

真係不得而知？真係咁難明？真係玩死我？

應該用咩方法去對待愛情呢兩隻字呢？

應該用咩態度去對待愛情呢兩隻字呢？

唔通要好似特首講咁？感性討論蓋過理性分析？

感性？理性？認真？求其？複雜？簡單？

又真係不得而知？又真係咁難明？又真係玩死我？

點解有d人一講愛情可以咁堅決？可以咁堅定？可以咁堅貞？

點解有d人一講愛情可以咁無奈？可以咁無助？可以咁無知？

愛情真係可以令人哭？愛情真係可以令人笑？

愛情真係可以令人開心？愛情真係可以令人傷心？

果真係不得而知？果真係咁難明？果真係玩死我？

愛情重要過親情？愛情重要過友情？

愛情重要過名譽地位？愛情重要過利益金錢？

可真係不得而知？可真係咁難明？可真係玩死我？

有千千萬萬個問號，有百百千千個答案。

一個肯定，一個承諾，一個重視，一個責任，都唔及一張開左好耐既支票。

時時掛念，分分想念，秒秒惦念，刻刻擁抱，都唔及時分秒刻都心心相印。

Bye Bye

This is for my peoples who just lost somebody,
Your best friend, your baby, your man, or your lady
Put you hand way up high
you will never say bye.
[no no no]

Momma‘s, daddy’s, sister’s, brother’s,friends, and cousins.
This is for my people’s who lost their Grandmothers
lift your head up to the sky
cause we will never say bye.

As a child, there were them times
I didn’t get it, but you kept me alive
I didn’t knowwhy you didn’t show up
Sometimes on Sunday mornings
And I missed you, but what we talked through
All them wrongful things, that are ?
Brings You never let me know it,
you never let it show it
Caused you loved me??
And so much more then to say
If you were with me todayface to face.

I never knew I can hurt like this
And everyday life goes on like
I wish I can talk to you for a while
Wish your butterfly not to cryAs time goes bye

And im sure You reached a better place
And still I’d give
The world to see your face
Me right here, next to you??
Now the hardest thing to do is say Bye,
bye-bye..Bye-byeBye-
Bye Bye bye Bye-bye
Bye-bye Bye- bye
Bye-byeBye-bye
Bye- bye-bye-bye..

And you never got a chance to see
How good I’ve done
And you never got to see me
Back at number one
I wish that you was here to celebrate together
I wish that we can spend the holidays together
I remember when you use to tuck me in at night
Or the teddy bear u give me I held so tight
I thought you were so strong,
You make it through whatever
Its so hard to except the fact you gone forever

I never knew I can hurt like this
And everyday life goes on like this
I wish I can talk to you for a while
Wish your butterfly not to cryAs time goes by

And i'm sure
You reached a better place
And I’d still give
The world is in your face
Me right here, Next to you??
Now the hardest thing to do is say Bye,
bye-bye..Bye-bye
Bye-bye Bye- bye Bye-bye
Bye-bye Bye- bye Bye-bye
Bye-bye Bye- bye-bye-bye..

This is for my peoples who just lost somebody,
Your best friend, your baby, your man, or your lady
Put you hand way up highyou will never say bye.
[no no no]

Momma‘s, daddy’s, sister’s, brother’s,friends, and cousins.
This is for my people’s who lost their
Grandmother’slift your head up to the sky
cause we will never say bye.

I never knew I can hurt like this
[I never knew it]
And everyday [ everyday I wish that I]
life goes on like this [ I wish, I wish]
I wish I can talk to you for a while[I wish]
Wish you butterfly not to cry[I wish]
As time goes by[as time goes bye]

And im sure you reached a better place..
I’d still give the world to see your face..and me right here,next to you..
and the hardest thing to do..is say..Bye-bye……
its hard to sayBye
bye bye bye bye
So Come onSomebody sing it with mewave your hands up high

Cause this is for my peoples that
just lost somebody
This is for everybody
Just lift your head to the sky
Cause we will never say bye-bye

雜誌

大家有冇留意一句說話，就係“股市比實際經濟快半年”呀？

其實到呢一刻我都唔明呢句說話係點解，我估呢句說話都係一d統計數據，即係根據以往既紀錄，然後集合起來，分析出來既一個現象，係有佢既參考價值，但實質作用，我就唔係咁肯定啦，如果我之前冇估錯，呢句說話係一d統計數據，即係呢d係過去所發生既事，呢d係歷史，歷史係有警惕作用，但冇話過一定會重複咁出現，所以我都係參考過就算，並唔會因為咁，而對我自己既分析有重大既影響。

建基於呢個觀點，果d咩“一月效應”、“奧運效應”、“總統選舉月”呀等等，我都覺得係一d統計數據，可以參考，但本人就唔會盡信。

果d雜誌，將咩咩效應，咩咩現象好似奉為神明咁，我就覺得值得商確啦，不過我都好感激呢d雜誌，佢地有時真係提醒左我的一時疏忽，佢地又提供左好多統計數據比讀者，所以佢地係有存在價值既。

但我地都好應該買下佢地出版既雜誌，因為每一本雜誌，都係一大班人既努力，係好多人既心機，剩係呢一份有商業目的既心意，我地就應該多多支持啦，好似我咁，每星期都會花費一百幾十蚊去支持佢地，又剩係呢d咁少少既行為，可以去幫助一班人，繼續有工返，有飯食；剩係呢個少少動作，又可以去令到香港既經濟屢創高峰，繼續有能力去面對各種挑戰，有能力去創做一個一個機會。

意外收穫

早排買左一本書，不過就因為種種原因，一頁都未睇過，直至昨晚，先拿本書睇一睇，不過一睇之下，就發現出問題啦，居然睇唔明，有好多隻字唔識，講真，我都好耐冇試過睇書要用字典啦，平時睇英文報紙大概都睇得明，甚至乎早兩年，我去美國旅行，同d美國人溝通都完全冇問題，但係今次直頭覺得，自己d英文水平，又好似返左去幼稚園時代咁，一d都唔似大學生既水平，黑天鵝效應又再一次，係我身上應驗左啦，唉！

其實，每個人都有自己祟拜既人，但係有冇諗過，自己可以係祟拜既人身上學到d咩呢？

而我其中一個祟拜既人係股神巴菲特，但原來我第一樣要跟佢學既，居然唔係佢至拿手既買股票技巧，而我要跟佢學既，係先要學英文，我諗呢個會係我既意外收穫。

我點解會買呢本書呢？原因係呢本書係唯一一本，股神親口述作的，而買之前，其實我都知道裏面根本上都唔會講咩股票技巧，就算係講股票，都只會講佢同股票結綠既原因，佢因為股票，而結識到咩人，發生左咩事，所以呢本書，以我今日所知，應該係一本自傳，並唔係坊間既投資天書。

講左咁耐，都未講本書叫咩名，呢本書英文名叫“snowball”，中文名係“雪球”，仲有一樣野，就係英文版平過中文版既，千祈唔好以為我覺得英文版平，先買英文版，而買左英文版先發覺捉蟲，我買英文版既目的，係想睇原汁原味。

就係四個大字，原汁原味，我決定左返去以前小學時代咁，根據本書既每一章節，去做讀書報告，務求係更了解偶像之餘，亦可以有我既意外收穫，就係令自己的英文更進一步。

新年

2009年來到啦，第一句說話，我想講既係“新年快樂”。

來到呢個時候，睇左好多頒獎禮，講真，睇到d人上台講話多謝阿邊個，多謝阿果個，都覺得好似好行咁，但到左自己上台呢，有冇諗過，如果係自己上台攞奬，自己會講d咩呀？

我而家個腦，又真係空白一篇，唔知講咩，又真係除左多謝之外，好似冇咩好講咁，不過都可以試下寫低我既講稿。

首先，我要講既，係多謝自己，如果唔係自己既付出，相信幾多人幫都冇用，自己唔努力，一定拿唔到呢個奬，所以要多謝自己先，過去既努力，唔係白費既。

跟住我要多謝既，係我既父母，如果唔係佢地生我出來，今日我都唔會有機會企係呢個台度，仲有唔係佢地自細既教導，就唔會有今時今日既我。

我仲要多謝我外父外母，如果唔係佢地每個禮拜既湯水，我都唔會有今時今日既健康身體，企係個台度拿呢個奬。

我仲要多謝我家姐，如果唔係佢對我既期望，我都未必有咁大既(邊)策力，不斷向前推進。

我仲要多謝我個大佬，如果唔係佢，我都唔會有人陪我吹水，打發我好多既無聊時間，未必有人陪我講好多不為人知既秘密。

最後，我要多謝一路係背後支持我，對我一路都不離不棄既老婆，講真，我同佢一齊已經有八年幾既九年，佢一路都好支持我每一個決定，佢一路都好放縱我每一個行為，由我每一日起身，直到我每一日訓覺，佢都幫我打理得妥妥當當，從來都冇一刻間斷過，雖然佢間唔鐘都會發下皮氣，但我知道，佢每一次都係想同我講，應該要用咩態度去對人，應該要用咩態度去對另外既一半，仲有，佢係唯一一個會好比心機咁，日日都聽我講股票分析，日日都聽我發表偉論既人，所以我要多謝既咁多人之中，我老婆係我最想多謝既一個。

多謝晒呀，老婆，多謝晒呀，咁多位。