理財

筆者一直相信，要知道一樣東西，必先要它露三點：特點、優點、缺點。

但未講這三點之前，先回答5個W同1個H，What, Who, Why, When, Where & How.

What

咩係理財，好簡單“處理財務”，一個人只要生活在需要交易媒介(金錢)而獲得生活所需既地方，就需要理財，財務都有實質的，例如，樓宇、黃金、白銀等，亦有非實質的，例如，股票、債券、存款等。

Who

有錢人，理財是為了妥善處理自己的財產；貧窮人，理財是為了確保生活所需。

Why

處理財務的目的是要讓自己的生活獲得保障，確保自己有能力於任何時間都可從交易中獲得自己所需，有財產的，不會降低購買力，無財產的，提升自己的購買能力，所以財產是需要保障、增值等的需要。

When

一個人未出生時，已經需要理財，因他一出生已經要找醫院條數，跟住又要飲，又要食，又要讀書，大個左，又要買車，買樓，結婚生仔，老左又要睇醫生，就算死，都要買棺材，殮葬，所以答案好簡單，無時無刻都須要理財。

Where

理財係無時無刻，當然就係無地域限制啦，係醫院要理財，係學校要理財，係教堂要理財，就算係墳場都要理財。

How

市場上有好多理財工具，例如銀行可進行儲蓄存款，保險公司可以買保險、基金公司可以買基金、證券公司可以買股票、地產公司可以買樓宇、就連政府機構都可以買債券，甚至乎地區交易所可以買黃金、白銀、石油、糖等等的商品，基本上應有盡有，任君選擇。

好啦，而家已經知道，理財既5個W同1個H，到我問返你轉頭，究竟，理財既特點、優點、同缺點係咩呀？