復仇

早兩日，有朋友同我講，佢剛與他的女朋友分手了，我就二話不說地“恭喜他”，因他早前對我說，他與女朋友巳拍了一段時間拖，其間亦分了幾次手，而對上一次復合的原因就是“要復仇”。

講真我身邊的朋友都有一個共通點，就是同最鐘意的女朋友都己經分了手，而在拍拖其間亦都是分過無限咁多次手，但係因復仇而再復合過的只有兩個。

其中一單就是我上面講過的人，而另一個就係同我一起讀中學的潛水老死。記得想當年，他的復仇原因就係，女朋友在他們拍拖其間，和另外一個男人發生一段超友誼關係，就係因呢段超友誼關係，他們分手了。但我的老死話“心有不甘”，於是再和這個女朋友復合，最終他們也復合了，但過了不久，他們又再分開，分開其後，我的老死又跟我講，這個是他最鐘意的女人。所以我覺得呢件事“勁攪笑，超低能”，自己講分手，自己玩復合，自己又係最鐘意人。佢的智商真係又要重新估計過呀。

我身邊的朋友，會因和女朋友分手了，而天天去玩，例如回歸咁，其實我都明白他們的心情，分手的而且確係一件唔開心的事，所以得閒去玩下，散下心，分散下注意力，的確係一個唔錯的選擇。

但我同時亦認為真正好的復仇，就係要活得比以前好，要活得比而家好，令他或她覺得當日的分手決定，是對方的一個絶對錯誤的決定。所以我而家見返以前的女朋友，每一次都會講我而家的工作，派咭片，而係呢個過程中，我最享受就係她會讚賞我今天的成就，令她更加肯定她做錯過決定，咁樣的表現，本人才覺得是真正的復仇成功。