咸旦伴伊麵

近日，若然有睇開財經新聞，都會發現見得最多的數字會是23000，因恒生指數快要到達這個歷史性的高位，本人有一個信念，就是當好多人都加入股票市場的時候，就會出現股災，所以現在這股氣候，令我在投資的計劃上，亦作出了不少改動，因這會是一個好重要的市場信息。但23000這個數字對本人來說並不是一個特別的數字，因在我來說，這只是一個警號，但22098便大大不同了，這五個數字，便足足影響了我一段很長的時間，因當其時，呢個22098的數字，便令我上了人生中寶貴的一課。

數數手指，本人都有八、九年冇食過一個很特別的菜式，它就是咸旦伴伊麵。第一次食它應該會是本人十六歲的時候，記得當時在屯門IQ機舖打機時，有人拿來比我食的，當時食佢都只不過覺得好普通，但俞食就俞覺得特別，俞食就俞想食。

呢個菜，本人相信，值到而家它都是一個很特別，而且食落又好麻煩的菜式，但每次食它，又會覺得它的味道又會時常不同，時咸，時苦，又時甜，奇奇怪怪。

每一次食咸旦的時候，除了覺得它很咸之外，亦覺得要食到它是要有很高的技巧，因食咸旦又要脫殼，又要分開旦白同旦黃來食，所以充其量，都只係用舌頭來舔幾下，認真冇瘾，有時真係唔知係你食佢，令係佢食你。

而食伊麵，就比較冇咁講究，只要你到櫃台，買張票，就大大碟伊麵便會送到你面前，不過煮伊麵其實都好煩，話就話叫干燒伊麵，但其實碟碟都係濕淋淋的，每次食親都係會攪到成身都係伊麵湯，都唔知係自己(論盡)，定係佢真係濕得滯，真係令人費解。

不過最奇怪的是，我都唔知點解會無啦啦咁鐘意食咸旦伴伊麵，又會無啦啦咁唔食咸旦伴伊麵，總之一句到尾，呢個係我食過咁多美食之中，一個最特別，又係最難攪的菜式啦。