價值與價格

每一間公司，甚至每一個人都有佢自己本身既價值。

好似一間公司咁，佢本身既價值分為兩部份，第一部份係佢既淨資產值，第二部份係佢既盈利能力，將兩樣野加埋就係呢間公司既價值，係呢度，大家要留意一樣野，就係當估算淨資產值既時候，有時係會加插左個人既主觀判斷，而計算盈利能力時，亦加入左一大堆唔清楚未來既風險，所以一間公司既價值，見人見智啦。

每一個人既價值，係本人既眼中，我就亦將佢分為兩部份，第一部份係呢個人現時所擁有既淨資產值，第二部份係求生能力，而我亦將呢個求生能力分為四部份，包括學歷、經驗、人際網絡、與及待人處事既態度。

我就用比較近期既一宗新聞解釋下，“十四歲的媽媽”，在香港，十四歲的人一般都係讀中二左右，而人生既經驗可以講話近乎冇，加上人際網絡估計都係相約年紀既人三伍成群，所以係學歷、經驗、人際網絡呢三方面可以講話係大打折扣，但待人處事既態度就幫佢加番唔少分，十四歲就懂得愛女兒，肯承擔作為媽媽的責任，但紿終現實歸現實，要真正做成頂天立地既媽媽，仍然有一大段日子，靜心觀察。

價格係正常的情況下，都會反影該物品既價值，但係價格會受供求所影響，而且亦會受人既心理因素所影響，亦唔排除有造價既情況出現。