大波幅

股市有大的波幅，是近日最多聽到的定論。他們所說會有大波幅的原因，很多都是說因為會有大量的港股直通車的資金到港投機，這會令本港每日的交投量做成一個很大的波動，令各個投資港股的投資者要承擔更大的風險，但事實係港股直通車的資金未到港每日的波幅已經是有幾百點上落這個波幅，成交金額每日有一千億己經是等閒事了。

其實現在AH股的差價已經進一步收窄，相對來說，現在可望H股的上升空間已比之前大大地減少了。聰明的香港人，知道內地人會較喜歡投資一些他們較熟悉的H股，所以趁他們未能使用中國銀行的投資港股的時候，大幅地把H股強硬地抽高，好讓自己的銀包代了這些利潤。其實這樣做會令到股市很不健康的，第一，因為那些港股直通車資金大多都是那些炒股的投機者居多，他們看見H股的水位已經相對減少，這便大大地減低他們投機港股的意慾，第二，再加上他們看到原來香港是會受到外圍市況影響的因素，在意識到會大大地增加投機風險，這又對他們來港投機的意慾大打折扣，第三，中國政府只係好保守地說明天津只是港股直通車的試點，亦即是中國政府對這個措施都有一個很大的保留點，試問這種種原因點會打擊那些投機者的意慾呀？

所以本人覺得第一批港股直通車的資金實在是很有限，遠遠比那些小提大造的做新聞做藉口炒高股價的人為少，但一件事就是不變的事實，就係香港又收多一份由中國政府送的大禮，香港人真的要好好反醒一個問題：「究竟自己幾時先會憑自己的能力回禮呢？」

冇打blog的時候

近排真係忙到不得了呀，就連寫blog的時間都冇，其實我真係想日日都有時間寫blog，因為我日日睇完報紙都有野想講，但係無奈地做完野之後，己經提唔起勁寫blog了。

咁究竟我呢排有咩做呢？

第一，近排因股市的波動比平日大了很多，所以做分析的時間又用多了。

第二，因現在要學習一些保險的運作，又花費了大量時間。

第三，要每晚抽一些時間去指導老婆學英文。

第四，更要抽一些時間去打那些無聊的小學練習試卷。

每日就係攪呢幾樣野，都攪;到三更半夜，所以攪到我都提唔起勁打blog。

但係就係咁樣，就比條友仔問我：「你呢排好似冇打blog喎？」

講真講，識佢咁耐，我都係第一次比佢催我做野，唔知係佢覺得無聊，上網無野睇，益話近排NDS冇新game玩，定係歉我未夠多野做，總之呢次就係第一次比佢(吹)啦。

就係咁，我而家手頭上雖然仲有好多野未做，都打一打個blog先。

不過我同我老婆都覺得呢條友，應該將催我的心機，用係搵工返工上面比較實際，因為就係呢種心機，可能會令到呢條友變成，由無聊催我打blog，而變成比佢女朋友(吹)佢做野‧‧‧哈哈。

Together

本人講過要係我的部落格度要講下英文，今日就講下一個好鬼死的簡單的英文生字：「Together」。

呢個英文生字係字典裏面既解釋係「在一起或共同」又有「連續」的意思，類別屬於副詞。

點解今次會寫together，因為今次想寫下人與人的關係，其實係我眼中呢個係好鬼死複雜的問題。

先講一d容易明白的關係先，就係倫常關係，它包括父子、君臣、夫妻、師生、兄妹。

父子，呢個關係係天生的，被迫的，只要有你的爸爸，他做左一輪運動後(多數會係意外中)，就會產生左一個副作用，果個就係你，而當你一出世，呢個關係就即刻存在，你係冇得揀唔要呢個關係的，如果有得揀，我相信會有很多人揀唔出世。

君臣，呢個關係就有得揀啦，不過當呢個關係建立左之後，又會有好多人唔想佢再繼續，所以佢地作為君的一方，會炒友，而作為臣的一方，又會揀跳槽。

夫妻，如果係1971年之前，係一夫多妻制，果一刻，我覺得呢個關係都唔錯，但而家2007年，我覺得呢個關係，就太多限制，不過我都好享受呢種關係。

師生，呢個關就特別d，可以有血源，又可以冇血源，但係呢個關係，一般中國人都只接受教育的相授及吸收，如果有多少少都會唔被人所接受。

兄妹，呢個關係又係被迫的，所以都冇咩好講。

就係唔知邊個，建立左呢d所謂關係，攪到而家好多人都唔敢對呢d關係作進一步行動，其實本人覺得如果超越左呢d關係，都唔係一件咩既一回事，但唔知點解我又冇咁做。